補完左Geog嚕!

今日返晒全日,上堂都係high high地..
中午落梨木樹食飯先知原來唔係學生餐係咁貴咖..
淨係食左個香矛豬扒湯矇粉,16蚊啫,抵食!
但個侍應係咁講黑毛豬扒湯矇粉-_-"

返到去又飯氣攻心!
好彩拎d擦子膠分散注意力!
仲拎左粒彈殼玩勇勇..



問你怕未...



點解高高可以一年先便便一次咁犀利嘅?!


我下世83%都做唔到正常人...

今日上網做嘅,我覺得第1個好準喎!
大家可以試下做下,貼返張相上黎大家比較下吖!
快D入去搵黎玩啦!成份分析機產生器

比manman感染左,搞到我都去左玩無咀貓低b game...
幸運地!我拎到一局16950分,manman無得再串我2000分嚕!
卡卡!

簡單又好用嘅詞典詞典與翻譯軟件

上網睇下野,又或者用電腦做功課嘅時候
有時會遇到1d唔識嘅英文甚至係其他國家嘅語言
我地都會搵1d網上詞典拎用
今次為大家介紹嘅就係靈格斯詞霸

點解會介紹依個軟件俾大家呢?
就係因為佢係免費嘅,咁即係唔使俾錢就有得用啦!
仲要係佢擁有強大嘅功能,絕對唔會比係你手頭上嘅字典機遜色!
靈格斯詞霸支持全球超過80多個國家语言的詞典查詢和全文翻譯，
支持屏幕取詞(包括係Adobe reader同Firefox3)

係網站上面有成千本字典任你下載,包括著名嘅牛津高階英語詞典同朗文當代詞典
軟件本身會使用windows內設嘅語音系統發音,如果唔滿意嘅
網站都有提供語言檔提供,質素會比較好嘅!

輕巧的PDF閱讀器

我地讀書嘅,經常都會收到1d PDF嘅file
一般黎講,我地可以用Adobe Reader依個software黎睇嘅
但係Adobe Reader容量大,而且要用到好多記憶體
所以,我推薦大家用Foxit Reader!

Foxit Reader
對於有大約30mb左右嘅Adobe Reader黎講
Foxit Reader只有2mb左右,絕對適合大家用黎睇PDF文件
暫時黎講,Foxit Reader嘅最新版本係2.3
大家安裝左佢之後,可以係Language到選擇返Chinese-Traditional
程式會要求你下載返一個語言檔,安裝好之後就可以使用中文介面咖喇!

桌面上面D圖示全部亂晒點搞好?

有時候,係桌面上果d圖示會突然亂晒大籠
明明係小畫家,但係個圖示又會show左係一個folder咁樣

chenghaufai咁就係遇到依個問題喇!
咁點解決到呢?
大家可以試下用refrsh10.exe依個小程式試下解唔解決到依個問題!

DL左佢之後,運行左佢,應該D圖示就會變返正常返咖喇!
如果依然未變得返,咁就再搵我等我再搵辦法啦...

係電腦安裝同更新Adobe Flash Player

其實真係簡單到痺..
不過見lautikman唔識我就唯有教下佢啦!
大家唔好笑佢吖,哈哈!

如果你好似lautikman咁岩岩洗完機
想玩無咀貓隻低b games!
又或者想上去youtube聽下愛如潮水咁
但係又發覺咩都開唔到嘅時候!

只要上返去Adobe Flash Player個網到
之後就係上面果度搵download now
你就會見到 "Agree and install now"依個制!
Download完之後就可以開啟佢安裝喇
正常黎講你係需要熄晒所有嘅瀏覽器佢嘅
當然,佢係安裝嘅時候係會提醒你咖啦!
只要你熄左佢就可以繼續安裝咖喇
安裝過程好快,之後你就可以上返去youtube聽愛如潮水喇!

但係之前tracy部電腦明明裝左個browser都認唔到個Flash Player
個問題我就唔知點解喇,不過個徵狀就係明明你開住左個browser佢都會直接安裝
誤打誤撞之下搵到個解決方法,唔知有無後遺症咖,哈哈!
想知就問下tracy有無事啦!
方法就係去C:\Documents and Settings\user\Application Data\Adobe入面
將所有關於Shockwave Player同Flash Player嘅folder刪晒佢
之後再試下重新安裝!
照道理就會可以正常裝埋個flash player咖喇!