Juking Air-醒目嘅歌曲自動播放機

今早見到電腦玩物介紹依一款軟件
即刻試用過後覺得值得介紹埋俾大家!

異塵行者係佢個blog到都介紹得好清楚喇!
等我講下自己嘅用後感啦!
啟動左Juking Air之後,發覺唔會拖慢電腦效能
只係用左好少記憶體!
除此之外,因為結合左You Tube和Last.fm嘅資料庫
一路聽歌仲會有mv大家睇!
不過我搵唔到點樣可以set返大d個播放mv嘅視窗..
所以有時你睇到嘅mv只不過係影片嘅中央-_-"
不過我都覺得夠晒過引
而且佢仲有更新,希望係將來嘅版本可以有改善啦!
仲有另一個問題係因為佢係使用You Tube嘅資源播放
有時候係會出現播放得唔順暢嘅現象
尤其係剛開始聽第一首歌嘅時間
只要停一停低佢,俾少少時間佢load
之後嘅歌曲都會好順咖喇
因為我發現佢應該係你聽緊第一首嘅時候
已經開始load餘下嘅歌曲咖喇!

除左依個功能吸引我之外
佢仲透過last.fm過濾出1d相同風格嘅歌手俾你選擇
平時你唔會留意
或者懶得專登上網搜尋嘅歌手都能夠輕易欣賞佢地嘅作品喇!
而且唔需要好似千千靜聽嘅歌曲推介咁下載落電腦到
有時好似我咁想聽下d舊歌又唔想浪費空間下載
直接搜尋就可以輕輕鬆鬆搵得到!

淨係依2個功能都已經夠我用喇!
有興趣嘅朋友可以試下用wor!